المشهد الأول
نهار خارجي
قهـــوة في وســــط البلد وقت الظهيرة ، أجلس و يجلس بجانبي شحص ممتلىء يرتدي بدلة ضيقة نوعا ما و رابطة عنق بشعة ، ترتكن بجانب قدمة اليمنى حقيبة أوراق جلدية سوداء ، يتحدث هذا الشخص في التليفون المحــمول ، يتضح من الحـــديث أنه محامي
والله يا باشا أنا قاعد دلوقت في المحكمـــة
دا أنا كان عندي قضية في محكمة عابدين " فرقعتها " ورحت مدينة نصر علشان أحضر الجلسة بتاعتك
لا إضراب أيه و بتاع إيه ، إحنا شغالين يا باشا
لسه مستنــيين الرول
بالتوفيق إن شـــاء الله
سـلام يا باشــا
يغلق الخط و يســحب نفس عميق من الشيشــــة التي تقول أحجارها الأربعة أنه يجـــلس هنا منذ ساعة على الأقل
________________________________
المشهد الثاني
نهار داخلي
أقف في طابور التـــذاكر في سينمـــا داخـــل مول كبيــر ، أمامـــي آنســات محجبات الحجاب الحديث ، بادي كارينا و بنطلون جينز محزق و طرحة مربوطة على طريقة إسبــانيش حول رأس لا تحمل أي ثقافة أو فكر أو رأي ، إحداهن تبتعد قليلا عن المجموعة مما يجعلها تقترب أكثـــر من موقعي ، وتتحدث في هاتفها المحمـــول
أيوة يا ماما
طيب يعني أعمــل إيه
ما أنا أصلي واقفة برة المدرج بتاع المحاضرة
هي مخاضرات بعد الظهر بتتأخر شوية
لأ أصل الدكتور ده بيطوّل شوية
حاضر
حاضر ياماما بقى
لأ رباب حاتروحـــني معـــاها بعــتربيتها
طيب
باي
تعود مسرعة إلى صـــديقاتها لتسأل متى يبدأ الفيلــم
ليست هناك تعليقات:
إرسال تعليق